Sanoqli soatlardan so‘ng (soat 14:00 da) C.A.T. Science Accelerator demo-kuni boshlanadi!
Bugun 12 ta jamoa Ilg‘or Texnologiyalar Markazining olimlari va akselerator mentorlari bilan ishlagan olti oylik faoliyat natijalarini namoyish etadi. Qayd etib o‘tamiz, ularning orasida Qozog‘iston, Buyuk Britaniya va AQSHdan taklif qilingan mentorlar ham bor edi.
Demo-kun Innovatsion rivojlanish vazirligining yangi binosida yopiq rejimda o‘tkaziladi. Ilg‘or Texnologiyalar Markazi tufayli barcha ishtirokchilarning xavfsizligini ta’minlash uchun hamma qatnashchilar COVID-19 ga test topshirdi.
Sizlar onlayn translyatsiyani tomosha qilishingiz mumkin, YouTube da chiqishlar videosi va fotohisobotlar tadbir yakunlanishi bilanoq e’lon qilinadi.
Ijtimoiy tarmoqlardagi yangiliklarimizni bugun soat 14:00 da kuzatib boring.
Jamoalar Demo Kunning sovrinli o‘rinlari uchun kurashadi, keyinchalik esa Innovatsion rivojlanish vazirligining startap-loyihalar uchun 1.5 mlrd so‘mlik grantlariga da’vogarlik qilishlari mumkin!
Jamoalarga omad tilaymiz!