Lucky Step jamoasining a’zolari o‘z faoliyatini endigina boshlagan startapchilar uchun Akselerator dasturini ishlab chiqishga va o‘tkazishga o‘z hissasini qo‘shgan tashkilotchilar va barchaga o‘z minnatdorchiligini bildiradi. Dasturning o‘tgan 6 oyi davomida mahsulot prototipini ishlab chiqishga va ilmiy mehnatimizni ishlab chiqarishga joriy etishga muvaffaq bo‘ldik. Endi barcha sa’y-harakatlarimizni va olgan ko‘nikmalarimizni loyihamizni rivojlantirishga yo‘naltiramiz, bu mamlakatimizda qandli diabetga chalingan ko‘plab kishilarning muammosi uchun yechimga aylanishiga umid qilamiz. Mahsulotimiz og‘riqni kamaytirishga va odamlarning hayot sifatini oshirishga xizmat qilishiga intilamiz.

Akselerator moliyaviy muammolarni hal qilishga va biznes – reja tuzishga yordam berdi.

Bu oson emas edi. Bu shunchaki o’rganish, deb o’ylamang … Bu yaxshi mahsuldor ish, bu jarayonda siz nafaqat yangi bilimlarga ega bo’lishingiz, balki o’z loyihangizni va u haqidagi fikringizni qayta ko’rib chiqishingiz mumkin. Tezlatgich bizga g’oyani kengroq ko’rib chiqishga, uning yanada rivojlanishi haqida o’ylashga va uni amalga oshirishning yangi usullarini topishga yordam berdi.

Biz murabbiylar jamoasi va akselerator dasturidan juda minnatdormiz!

C.A.T. Science Accelerator o’qitdi, o’rgatdi va loyihada yutushga yordam berdi.

Taassurotlarimiz faqat ijobiy. Ushbu platformani keng joriy etish kerak.

Ushbu loyihada ishtirok etib, biz haqiqiy startap – loyihalar ustida ishlashni o’rgandik. Tashkilotchilarga katta rahmat! Biz juda faxrlanamiz!

Ishonch bilan aytishimiz mumkinki, bu akselerator bizga loyihamizni amalga oshirishda katta yordam berdi. Kurs bizni tadbirkorlik mavzusiga tez botirdi, biz uning ko’p qirralarini tushuna boshladik. Katta miqdordagi o’quv materiallaridan tashqari, har qanday vaqtda yordam berishga tayyor bo’lgan katta va do’stona jamoa bor. Akseleratorda olingan bebaho bilimlar tufayli biz innovatsion rivojlanish vazirligidan loyihani moliyalashtirishga muvaffaq bo’ldik.

O’quv jarayonining aniq tashkil etilishi, yuqori sifatli qo’llab-quvvatlash, masofadan o’qitish bizni muhim natijalarga erishishimizga imkon berdi: uzoq kutilgan loyihalarimizning birinchi ishga tushirilishi. Biz Accelerator asoschilariga samimiy minnatdorchiligimizni va chuqur minnatdorchiligimizni bildiramiz va keyingi ishlarda sizga katta muvaffaqiyatlar tilaymiz!

6 oy davom etgan C.A.T. Science Accelerator Biotech 3.0. da 4 ta quyidagi asosiy bosqichlar bo‘yicha bilim va ko‘nikmalarga ega bo‘ldik:

• 1 bosqichda rejalashtirish va Customer Development/ Muammoli interv’yular natijalari bo‘yicha maqsadli auditoriyaning “og‘riqli” tomonlari va muammolarini izlab topishni, muammoli interv’yular natijalarini ko‘rsatish, maqsadli auditoriyani aniqlash, mijozlarning qaysi muammosini hal etishimiz va loyihamizning 6 oylik ish rejasini tuzishni o‘rgandik.
• 2 bosqichda, loyihaning biznes-modelining asosini yaratdik.
• 3 bosqichda, MVP yaratish ya’ni mahsulotimizning prototipi / minimal ishchi versiyasini yaratish ustida ishladik.
• 4 bosqichda, taqdimotni Demo-kunga tayyorlab ekspertlar davrasida o‘z mahsulotlarimizni himoya qilib 8 jamoa ichida faxrli 3-o‘rinni egalladik.»

C.A.T. Science Accelerator Biotech 3.0 ilmiy ishlanmalarni tijoratlashtirish va olimlarning biznes bilan aloqasini yo‘lga qo‘yishga yordam berdi. Unda biz biznes sohasida tayanch bilimga ega bo‘ldik. Bu esa startapimiz uchun muhim deb xisoblaymiz.

O‘zbekiston Respublikasi Innovasion Rivojlanish Vazirligi ko‘magida tashkil etilgan loyiha tashkilotchilari va hamkorlari Ilg‘or Texnologiyalar Markazi, StartupFactory.uz va Green Business Innovasion kompaniyalariga o‘z minnatdorchiligimizni bildiramiz. Ularga kelgusi faoliyatida juda ko‘plab biz kabi jamoalarni to‘g‘ri yo‘lga tushib olishlarida yordam berishlaridek ma’sulyatli ishlarida omad tilaymiz.

Hurmat bilan, Toza suv (Pure Water) jamoasi!

Akselerator menga va jamoamizga startap loyiha xaqida, uni qanday qilib rivojlantirish, amaliyotga tadbiq etish, maxsulotni bozorga olib kirish, xaqida ma’lumotlar berdi. Bizga 6 oy davomida doimiy seminarlar o‘tkazildi. Seminarlar davomida startap loyihani qanday amalga oshirish va rivojlantirish to‘g‘risida soxaning tajribali mutaxassislarining maslaxat va takliflarini olishga imkoniyat yaratdi.

Biz akselerator orqali olgan ma’lumot va bilimlarimizdan foydalanib startap loyihasini yutishga erishdik, biz akseleratordan minnatdormiz!

Akselerator tashkilotchilari o‘z faoliyatini yaxshi olib bormoqda deb o‘ylayman. Mutaxassislar va seminarlar dizaynelari, vebinar tashkilotchilari, moderatorlar lektorlar juda yaxshi faoliyat olib borishmoqda. Albatta pandemiya tufayli ko‘p darslar onlayn o‘tkazilgan bo‘lsada lektorlarning professional maxrati, tarjimonlarning bo‘lishi o‘tilayotgan mavzuning tushunarli bo‘lishiga yordam berdi. Fikrimcha, akselerator faoliyatini kengaytirib, Respublikamiz bo‘ylab tarqatish lozim, chunki akseleratorda o‘rganiladigan ma’lumotlar juda qimmatli va o‘ta foydali deb xisoblayman.

Akselerator faoliyatiga omad tilaymiz!

Moliyaviy va marketing strategiyasini o’rgatdi, shuningdek startup loyihani to’liq shakllantirish va biznes rejani tayyorlashda akseleratorning foydasi juda katta bo’ldi!

Laboratoriyada amaliy ishlar tashkil etilsa yanada yaxshi bo’lardi.

– C.A.T. Science Accelerator bizga malakali biznes-reja tuzish va uni tayyor mahsulotga etkazish haqida bilim berdi.

Bizning taassurotimiz hayratlanarli! Bizningcha, bu loyihaga turli mutaxassislarni jalb qilish kerak. Shuni bilishingizni istaymizki, har bir startapning g’alabasi – sizning xizmatlaringizdir. Murabbiylarga katta rahmat!

– Akselerator tashkilotchilari va murabbiylariga katta rahmat. O’tgan davr mobaynida olimlar  uchun ko’p foydali ko’nikmalarni oldik. C.A.T. Sciencce Accelerator – olimlar va ishbilarmonlar uchun ko’prik. Seminarlar va  uchrashuvlar jarayonida  katta bilim zahirasiga ega bo’lgan turli  odamlar bilan biz haqiqiy bilimlarga ega bo’ldik. Ayniqsa, biz uchun «jamoada ishlash», «statistika» va «brend yaratish» mavzularidagi treninglar juda foydali bo’ldi, shuningdek, , bizning startapimizni qurishda yordam beradigan ko’plab seminarlar o’tkazildi. Eng muhimi, akselerator loyihani «boshqa ko’zlar» bilan ko’rishga yordam berdi.

C.A.T. Sciencce Accelerator – bu ajoyib platforma va professionallardan haqiqiy bilim olish imkoniyati, shuningdek bu ilm -fan, turli ishlanmalar va sarmoyalar bilan shug’ullanadigan odamlar uchun ajoyib loyihadir.

Xudo xohlasa, kelajakda biz siz bilan bo’lamiz!

C.A.T. Science Accelerator – biznes kontseptsiyasini to’g’ri va malakali tuzishga va biznes-reja tuzishga yordam berdi. BIONOVATIC FOOD jamoasi nomidan biz butun katta C.A.T. Science Accelerator-ga o’z minnatdorchiligimizni bildiramiz.👍👍👍🥳🥳🥳

C.A.T. Science Accelerator bizga ko‘p jihatlar bo‘yicha ko‘maklashdi, xususan: 

Bozorni o‘rganishimizga yordam berdi – biz mahsulotimizni qo‘llash mumkin bo‘lgan yangi sohalarni topdik; to‘g‘ri biznes-modelni yaratishga ko‘maklashdi. Biznes-rejaga tuzatishlar kiritdik, faoliyat sohamizni kengaytirdik. Akselerator bizga bioparchalanadigan plastik namunalarimizni tez parchalanishga testdan o‘tkazish uchun laboratoriya xizmatlarini taqdim etdi. Moliyaviy savodxonlikka bag‘ishlangan treninglar o‘tkazildi; omma oldida chiqish qilish mashq qilindi va bu borada tajribaga ega bo‘lindi. Shuningdek, akselerator kompaniyamiz logotipini rebrending qilishga yordam berdi, muqobil nuqtai nazardan baholadi. Xorijlik va taklif etilgan professional mentorlar g‘oyamizga va mahsulotni ilgari surish rejasiga boshqa tomondan nazar tashlashga ko‘maklashishdi, biz buning asosida tegishli tuzatishlarni kiritdik. Akselerator biz uchun unumli o‘tdi, mentorlarning hammasi o‘z sohasining ustasi, bilimdon. Kelgusida ham Ilg‘or Texnologiyalar Markazi bilan bioparchalanadigan va antibakterial plastik buyumlar sohasida hamkorlik qilishni rejalashtiryapmiz.

Akselerator treninglari ilmiy g‘oyadan biznes kontseptsiyagacha rivojlanishga yordam berdi. Mentorlar bizni tadbirkorlik asoslariga o‘rgatdi, kamchiliklarimizni ko‘rsatdi hamda o‘z maslahatlari va tavsiyalari bilan o‘rtoqlashishdi.

Trenerlar va instruktorlardan iborat ajoyib jamoa. Juda zo‘r mahalliy va taklif etilgan trenerlar, xorijdan tashrif buyurgan spikerlar bo‘ldi. Hozirjavobligi uchun Yelenaga katta minnatdorchilik bildiramiz, u doim yordam berishga tayyor turdi.

Akselerator biznesni qanday qurish va uni qay tarzda to‘g‘ri rivojlantirish kerakligini tushunishga, bozorni va mijozlarning ehtiyojlarini o‘rganishga yordam berdi. 

Akseleratorning juda yaxshi va hozirjavob mentorlari va koordinatorlari zarur maslahatlarni berib turishdi va bizni akselerator faoliyati davomida qo‘llab-quvvatlashdi

Aksederator tashkiliy ishlarda va loyihamiz boshida, g‘oyani real tayyor mahsulotgacha rivojlantirishga yordam berdi, bizga nafaqat biznes, amalga oshirish ishlari bo‘yicha, balki ilmiy fikrni rivojlantirish bo‘yicha ham maslahatlar berishdi. 

Bu men qatnashgan platformalardan eng yaxshisi. Mentorlar Alisher Yusupov, Vladimir Soy, Saida Yusupova, Yelena Seleznyova va Aleksandr Yudakovlar yuqori malakali ekspertlar bo‘lib, ular amalda va bozorda haqiqatdan ham ishlaydigan maslahatlar bilan yordam berishdi. Ularning nasihatlari tufayli Defuse-IT jamoasi o‘zining ilk savdolarini amalga oshirishga muvaffaq bo‘ldi. Xalqaro ekspertlarning jadal mashqlari va treninglari tufayli Defuse-IT loyihasi Climatelaunchpad xalqaro platformasining mintaqaviy bosqichi finalchisiga, YeI Taraqqiyot dasturi tomonidan tashkil qilingan ideachallange 2020 finalchisiga aylandi. Loyiha dadillik bilan moliyalashtirish bosqichi tomon boryapti, bularning barchasi akselerator va ajoyib ekspertlar tufayli, hammaga tashakkur!

Birinchi navbatda akselerator loyiha odamlarga kerak-kerak emasligini tushunishimizga, mentorlar va mutaxassislar ko‘magida statistikadan tortib to biznes-rejagacha bo‘lgan barcha hisob-kitoblarni amalga oshirishimizga, tijoratlashtirish rejasini bosqichma-bosqich batafsil ko‘rib chiqishimizga yordam berdi. Loyihamizga turli burchaklardan nazar tashlashimizga va eng keraklisini to‘plashimizga, loyihani qanday qilib to‘g‘ri taqdim etishimiz va muammoning hal etilish darajasini hisobga olgan holda oldimizga vazifani qanday qilib to‘g‘ri qo‘yishimiz kerakligini tushunishimizga ko‘maklashdi.

Akselerator startaplar uchun qulaylik zonasidan chiqishga va g‘oyaga begonalarning ko‘zi bilan qarashga, olamda yuz berayotgan voqealarni ko‘rish va ularni o‘rganishga majbur etadigan real platforma. Akseleratordagi ishtirokimiz davrida biz bilimlarni yangi formatda oldik. Mahsulot juda zo‘r, juda kerakli va innovatsion bo‘lsa ham, uni odamlarga to‘g‘ri yetkazish katta mehnatni va bilimni talab qilar ekan. Biz tafsilotda aynan muammoli nuqtaga tushadigan tafsilotni izlashni o‘rgandik. Biz bilan individual ishlagan, o‘z bilimlarini biz bilan baham ko‘rgan va ajoyib vebinarlarni tashkillashtirgan mentorlarning ishini alohida qayd etishni istardik. Bu yil hammasi onlayn o‘tgan bo‘lsa-da, akseleratorda qatnashganimizdan juda mamnunmiz – juda ko‘plab yangi va zamonaviy bilimlarga va ko‘nikmalarga ega bo‘ldik. Ilg‘or texnologiyalar markaziga va barcha tashkilotlarga minnatdorchilik bildiramiz!

Tanlagan yo’nalishim bo’yicha bilimlarimni yanada oshirishga va biznes model va reja tuzishga yordam berdi. Juda ham ajoyib va qiziqarli, doim yordamga shay bo’lgan mentorlar bor. Albatta barchaga tavsiya qilaman.

Akselerator bizga jamoa bilan ishlash, muammoning mohiyatini anglab yetishga; loyihani ilgari surish, taqdimotni amalga oshirishga; metrikalar, g‘oyani loyihaga aylantirish va mahsulot MVP sigacha yetkazishga yordam berdi.

Hammasi juda zo‘r bo‘ldi — mentorlar va trekerlar jamoalar bilan individual tarzda ishlashdi. Mehnatingiz va sa’y-harakatlaringiz uchun juda minnatdormiz. Taklif qilingan mutaxassislarga ham tashakkur aytamiz! Akseleratorsiz loyiha ham bo‘lmasdi.

C.A.T. Science Accelerator gipotezalarimizni teshirishga va mijozlar bilan qimmatli teskari aloqaga ega bo‘lish uchun “ofisdan tashqariga chiqishimizga” yordam berdi, bu, o‘z navbatida, mahsulot ustida ishlash tsiklini va birlamchi moliyaviy xarajatlarni qisqartirdi. 

G‘oyalarni tez testdan o‘tkazish va biznes-modelni tanlash uchun “Tejamkor startap” akseleratsiya metodi to‘g‘ri tanlandi. Startaplar ushbu yondashuvdan foydalangan holda mijozlarning umidlari va ehtiyojlariga muvofiq keladigan mahsulotlar va xizmatlarni loyihalashtirishlari mumkin bo‘ldi.

C.A.T. Science Accelerator  bizga tadqiqotlarimiz natijalarini biznesga aylantirishga yordam berdi. Bizni taslim bo‘lmaslikka va turli vaziyatlarda har doim yo‘l topishni (qayishqoq bo‘lishni) o‘rgatgan ajoyib insonlar bilan tanishtirdi.

Akselerator juda yaxshi ishladi, pandemiya va karantin sababli barcha rejalar chippakka chiqayotganida, mentorlar akseleratorning turli bosqichlarida har xil vaziyatlarda munosib yechimni topa olishdi. Senorlarning hammasiga katta rahmat! Bizga bergan bilimlaringiz uchun sizlarga tashakkur aytamiz! Ajoyib ilmiy akseleratori uchun Shaxlo Utkurovnaga alohida minnatdorchilik bildiramiz!

Akselerator juda foydali vebinarlari bilan yordam berdi, mentorlar Alisher aka, Yelena Seleznyova, Volodya va boshqalar biz uchun har doim ochiq va yordam berishga tayyor turishdi. Ishdagi ishtiyoqingiz, bizga sarflagan kuch-quvvatingiz, rejalashtirish, biznesni yuritish sohasidagi bilimlaringiz uchun sizga katta rahmat aytamiz. Ulkan mehnatingiz uchun tashakkur!

Biz CAT akselerator yordamida tajriba to‘pladik, biznes-reja yozishni o‘rgandik, o‘z g‘oyamizni qanday taqdim etish kerakligini, nimalarga e’tibor qaratish zarurligini, ko‘proq nimalar ustida ishlash lozimligini o‘rgandik. 

Akseleratorning juda bilimli, aqlli, yuqori malakali mutaxassislari bor, ular startaplarimizga taalluqli barcha masalalar bo‘yicha yordam berishga tayyor turishdi. Ular biz uchun eng ilg‘or mutaxassislarni va tajribali tadbirkorlarni topishdi. Biz o‘z g‘oyamizni, maqsadlarimiz, vazifalarimiz va yechimlarimizni to‘g‘ri bayon etishimiz uchun har bir vebinar to‘g‘ri va qiziqarli tanlandi . Mentorlarimizga katta tashakkur aytamiz.

C.A.T. Science Accelerator jamoamizga barcha bosqichlarda 6 oy davomida yordam berdi. Akselerator direktori va uning barcha xodimlari “tilla” odamlar ekaniga ishonch hosil qildik. Ular kunduzni-kunduz, kechani-kecha demasdan, bizga yordam kerak bo‘lsa, hech qanday muammosiz yordam berishdi. Jamoamiz va butun institut nomidan sizlarga tashakkur bildiramiz. 

Hammasi uchun rahmat. Yordam uchun, o‘qish uchun, shunday ajoyib loyihani tashkil qilganingiz uchun. Zaminimiz mehnat, insoniylik va ezgulikni puldan ko‘ra ustun qo‘yadigan sizlarga o‘xshagan insonlar borligi uchun ham hali uzoq turadi. Olloh sizlarni o‘z panohida asrasin. Chuqur ta’zimimizni qabul qiling.