Xitoy SHHTga a’zo davlatlar texnologiyalarini transfer qilish markazi 2023-yil 18-iyun kuni (final o‘tkaziladigan sana biroz o‘zgarishi mumkin) Sindao shahrida (XXR) SHHTga a’zo mamlakatlar III yoshlar innovatsiyalari va tadbirkorligi tanlovi o‘tkazilishi rejalashtirilayotgani haqida ma’lum qiladi.
Tanlovda SHHTga a’zo davlatlar va “Bir kamar – bir yo‘l” bo‘ylab joylashgan mamlakatlarning universitetlari, kollejlari, korxonalari va turli tashkilotlari qatnashishi mumkin. Unda Yangi avlod axborot texnologiyalari, biotibbiyot, yangi materiallar sohasidagi va boshqa yo‘nalishlardagi loyihalar ko‘rib chiqiladi. Tanlovning maqsadi mutaxassislar, texnologik jamoalar, moliyaviy tuzilmalar va investorlar o‘rtasidagi hamkorlikni ilgari surish hamda innovatsiyalar sohasidagi o‘zaro halqaro munosabatlarni chuqurlashtirishdan iborat.