Akseleratorga ariza berish
Эътиборингизга озиқ-овқат маҳсулотларини патогенларга тезкор таҳлил қилиш учун тест тизимларини ишлаб чиқиш лойиҳаси муаллифи IMRaDIS гуруҳи билан суҳбатни тақдим этамиз.
❓ Лойиҳангиз ҳақида гапириб берсангиз. Нимани ишлаб чиқаришни режалаштиряпсиз? Бу ғоя сизга қандай келди?
❗️Лойиҳамиз ПЗР-таҳлил орқали озиқ-овқат таркибидаги патогенларни тезкор аниқлаш учун тест тизимларини ишлаб чиқиш, яратиш ва жорий этишга қаратилган.
Озиқ-овқат маҳсулотлари учун синов тизимини яратиш ғояси жамоамиз аъзоларидан бири ва олим ҳамкасбларимиз ўртасидаги норасмий суҳбат пайтида пайдо бўлди. Биз китобларни ўрганиб чиқдик ва уриниб кўрамиз деган қарорга келдик!
❓Бизга жамоангиз ҳақида гапириб берсангиз
❗️Мутахассисларимиз:
Кондрашева Ксения Валентиновна – биология фанлари номзоди, фармацевтика саноатида, шу жумладан, дори воситаларини ишлаб чиқиш ва рўйхатдан ўтказиш бўлимида раҳбарлик лавозимларида 7 йиллик иш тажрибасига эга ва … ўриндошлик асосида копирайтер;
Каримова Феруза Абдусаттаровна – илмий котиб, жамоатчилик билан алоқалар бўйича бош мутахассис, маъмур ва ташкилотчи, ҳеч нарсадан қўрқмайдиган «катта алоқалари» бўлган шахс;
Абдульмянова Лилия Илясовна – деярли фан доктори, озиқ-овқат саноати корхоналари ва сертификатлаштириш идораларида иш тажрибасига эга, шунингдек, феншуй қонунларига асосланиб мантиқ, психология ва … алоҳида қарашларга эга дизайнер;
Пшеничнов Егор Александрович – кимё фанлари номзоди, озиқ-овқат ва фармацевтика ишлаб чиқариш соҳасида раҳбар лавозимларида иш тажрибасига эга, кимё ва замонавий таҳлил усуллари, шу жумладан ПЗР билан таниш бўлган мутахассис.
Бизни бир нарса боғлаб туради – биз фандан бошлаганмиз ва бошқа соҳаларда тажриба ва билимларга эга бўлиб, бир мунча вақт олдин яна фанга қайтдик. Биз уларни истеъмолчиларимиз учун ҳақиқатан ҳам фойдали ва қимматбаҳо маҳсулотлар яратиш учун қўлламоқчимиз.
Бизга профессионал дизайнер, хусусий бизнес эгаси, ташкилот директорининг ўринбосари ёрдам беради. Ушбу ажойиб одамлар номаълум бўлиб қолишни хоҳлашди, аммо уларнинг қимматли маслаҳати биз учун жуда муҳим .
❓ Синов тизимингиз ҳақида батафсил сўзлаб беринг.
❗️Тест тизими реал вақтда ПЗР-таҳлил қилиш учун реагентлар тўпламини ўз ичига олади. Унинг ёрдами билан қисқа вақт ичида кўплаб намуналарни таҳлил қилиш мумкин (биз 96 та таҳлил учун вариант устида ишлаяпмиз).
Усул принципи: сальмонелла, шигелла, листерия ва бошқа касаллик қўзғатувчилар каби бактериялар геномлари учун мутлақо хос бўлган ДНК парчаларини ПЗР ёрдамида аниқлаш.
❓У қанчалик аниқ ва аналогларидан устунлиги нимада?
❗️ПЗР-диагностикасининг кўп қирралилиги, юқори ўзига хослиги (100% гача) ва сезгирлиги, шунингдек тезкорлигида (бир кунгача) унинг афзалликлари ҳисобланади.
Мамлакатимизнинг аксарият лабораторияларида қўлланиладиган классик усуллар 5 кундан 14 кунгача давом этади ва узоқ ва жуда мураккаб тайёргарлик босқичини ўз ичига олади.
ПЗР таҳлиллари учун синов тизимларида намуналарни тайёрлаш ва таҳлил қилиш учун зарур бўлган реагентлар мавжуд. Шундай қилиб, тўпламлардан фойдаланишнинг афзалликлари синов лабораторияси учун ҳам, натижани кутаётган мижоз учун ҳам аниқ.
❓Сизнинг синов тизимингиз импорт қилинадиган маҳсулотлардан қанча арзонга тушади?
❗️Биз маҳсулотимиз нархларини аниқлаш учун маълумотларни йиғаяпмиз.
❓Бўлғуси истеъмолчиларингиз ким?
❗️Бизнинг асосий потенциал истеъмолчиларимиз СЭО синов лабораториялари ва озиқ-овқат маҳсулотларини сертификатлаш органлари қошидаги лабораториялар ҳисобланади.
❓Муаммоли суҳбатлар натижаларига асосланиб, қандай маълумотларни олдингиз?
❗️Биз маҳсулотимиз талабгор бўлган асосий сегментни аниқладик, шунингдек, бизнинг маҳсулотларимизга қизиқиши мумкин бўлган мижозлар ҳақида маълумот олдик. Ҳозир биз ушбу сегмент ҳақида қўшимча маълумотларни тўплаяпмиз.
❓Сиз Илғор Технологиялар Марказининг лабораторияларидан қандай фойдаланишни режалаштиряпсиз?
❗️Биз Илғор Технологиялар Маркази лабораториясида MVP яратмоқчимиз. Бунинг учун бизга ИТМ лутфан тақдим этишга рози бўлган реагентлар ва ускуналар керак.
❓ MVP яратишга қанча вақт кетади?
❗️Тўпламни яратиш ва унинг ҳақиқийлигини текшириш кўп вақтни талаб қилмайди. Ҳамма нарса зарур реактивларнинг етказиб берилишига боғлиқ.
Seminar: Patent huquqi va intellektual mulk
Chorshanba, 16:00
Чоршанба, 28 апрель куни соат 16:00 да акселератор жамоалари учун навбатдаги вебинаримиз ўтказилади.
Мавзу: Патент ҳуқуқи ва интеллектуал мулк
Спикер: Мўминов Ёқубжон Вафоевич — Ўзбекистон Республикаси Инновацион ривожланиш вазирлиги ҳузуридаги Илғор Технологиялар Марказининг патентшуноси.
Вебинар Zoom сервисида ўтказилади. Жамоалардан спикерга бериладиган саволларни олдиндан тайёрлаб қўйишларини сўраймиз.
⏰ Чоршанба, 28 апрель, 16:00
Seminar: Timbilding, jamoada ishlash qiyinchiliklari
Shanba, 14:00
Кейинги семинаримиз келаётган шанба – 24 апрель куни соат 14:00 да Илғор Технологиялар Марказида ўтказилади.
Мавзу: Тимбилдинг, жамоада ишлаш қийинчиликлари
Спикер: Шохинахон Бахромова, етакчилик бўйича SUSI дастурининг битирувчиси (Study of the US institutes), профессионал энтузиаст, Ўзбекистонда биринчи TEDx ташкилотчилар жамоасининг бир қисми, БМТТДнинг ёшлар ишлари ва инновациялар бўйича миллий консультанти.
Шохина жамоа ичида ишни тўғри ташкиллаштириш, жамоада стартаплар турли босқичларда қандай муаммоларга дуч келиши ҳақида гапириб беради. Шунингдек жамоаларда машқлар ва амалий машғулотларни ўтказамиз.
Семинар оффлайн тарзда Илғор Технологиялар Марказида ўтказилади, ҳудудлар учун Zoom-трансляция имконли бўлади.
❗️Тошкент жамоалари тўлиқ таркибда келиши зарур (одатдагидай 1 кишидан эмас).
⏰ Шанба, 24 апрель, 14:00
📍Илғор Технологиялар Маркази
C.A.T. Science Accelerator Biotech 3.0 иштирокчилари билан интервьюлар туркумини бошлаймиз
Бугун ўз стартапи ҳақида ImmunoTea жамоаси гапириб беради, ушбу лойиҳа табиий компонентлардан тайёрланган чой ичимликларини ишлаб чиқаришни кўзда тутади.
1. Лойиҳангиз ва ишлаб чиқаришни режалаштираётган маҳсулотингиз ҳақида сўзлаб берсангиз.
Биз жамоамиз билан янги маҳсулот – ферментланган мевали чой устида ишлаяпмиз. Мақсадимиз мақсадли аудиториянинг турли сегментларидаги одамлар учун табиий ва фойдали чой ишлаб чиқаришдан иборат. Биз ушбу маҳсулот халқимизни иммунитетни мустаҳкамлайдиган, ғайратлибўлишга ёрдам берадиган, тетиклик бағишлайдиган ҳамда организмни витаминларнинг етарли миқдори билан таъминлайдиган сифатли ва табиий чой билан таъминлашига ишонамиз. Бунинг устига маҳсулотимиздан қандли диабет профилактикаси учун ҳам фойдаланиш мумкин.
2. Жамоангизда қандай мутахассислар бор?
Жамоамизда олтита мутахассис бор:
– Тайирова Дилобар Бахтиёровна — биотехнолог, технолог
– Ҳамдамов Бобурмирзо Бахтиёрович — фармаколог, маркетолог
– Тўхтаев Фарҳод Ҳакимович — биотехнолог, технолог, ишлаб чиқарувчи
– Шерматова Ирода Бахтиёр қизи – биотехнолог, технолог
– Эгамбердиев Номон Бобоевич — академик, профессор
– Мирзамахмудов Жамшид Дониёржон ўғли — маркетолог, дизайнер, IT-мутахассис
3. Лойиҳангизнинг мақсадли аудиториясини қандай баҳолайсиз? Истеъмолчингизни ёши нечада?
Биз дўконларда, дорихоналарда мижозлар билан тўғридан-тўғри алоқаларни йўлга қўйишни ҳамда маҳсулотимизга эътиборни жалб этиш учун ижтимоий тармоқлардаги ўз каналларимизда уни илгари суришни режалаштиряпмиз.
Шунингдек, доимий мижозлар учун дисконт чегирмалар тизими устида ишлаяпмиз, турли мавсумий касалликлар ҳақидаги огоҳлантиришларни ўз ичига олган флаерларни тарқатишни режалаштирганмиз.
Сотиш нуқталарида маҳсулотимизнинг бепул дегустациясини ўтказамиз.
Мақсадли аудиториямиз бу:
— ҳар куни чой истеъмол қиладиган кексалар (50+ ёшидаги кишиларнинг кўпчилиги чой ичишга одатланган, шунингдек улар турли касалликларга мойил бўлади)
— Йирик шаҳарлар аҳолиси (шаҳарлар аҳолиси экология ёмонлиги сабабли турли мавсумий инфекцияларга чидамли бўлмайди)
— Спортчилар ва соғлом ҳаёт тарзини юритувчи кишилар
4. Фойдаланувчилар билан чой дегустациясини ўтказиб кўрдингизми? Унинг таъм сифатлари ҳақида қандай фикр-мулоҳазалар билдирилмоқда?
Ҳозирча маҳсулотимиз дегустациясини ўтказганимиз йўқ, ҳозир ўзимиз дегустация қиляпмиз ва тажриба ўтказяпмиз. Маҳсулотимиз қуйидагилардан иборат:
* Олмали чой – бироз ширин ва олма таъмли
* Тутли чой – ҳиди кўк чойни эслатади
* Олчали чой — олча бўйли кўк чойни эслатади
* Шафтоли чой — қора рангли хушбўй ичимлик
* Хурмоли чой — ҳиди олчани эслатади, қора рангли ичимлик
5. Маҳсулотингиз ҳозир дўконларда ва дорихоналарда сотилаётган бошқа чой маркаларидан нимаси билан фарқ қилади?
Маҳсулотимиз бошқа чойлардан табиийлиги, таркибида ароматизаторлар йўқлиги ва ферментация жараёни билан фарқ қилади.
6. Сизнинг ҳисоб-китобларингизга кўра, маҳсулотингизнинг қиймати худди шундай маҳсулотларникидан қай даражада фарқ қилади?
Оғирлиги 100 шр бўлган бир қути чойнинг тахминий қиймати якуний истеъмолчи учун 12-18 минг сўмни ташкил қилади. Бу бошланғич ҳисоб-китоблар.
7. Акселераторнинг барча иштирокчиларига Илғор Технологиялар Марказининг лабораторияларидан фойдаланиш имконияти тақдим этилади. Улардан қандай фойдаланишни режалаштиряпсиз?
Биз полифенолларни сифат ва миқдор жиҳатдан аниқлаш учун чойни юқори самарали суюқликли хроматография методи ёрдамида таҳлил қилишни ҳамда патоген микроорганизмлар бор-йўқлиги бўйича микробиологик таҳлил ўтказишни режалаштирганмиз.
MIXER-сессия
Чоршанба, 16:00
MIXER-сессия
Чоршанба, 16:00
Келаётган чоршанба куни соат 16:00 да навбатдаги вебинаримиз ғаройиб MIXER-сессия форматида ўтказилади.
Лойиҳа, акселератордаги фаолият давомида нималар қилингани ва маркетинг стратегиянгиз бўйича режалар ҳақида (шанба куни ўтказилган семинар асосида) гапириб беришингиз учун ҳар бир жамоага 5 дақиқа ажратилади.
Шундан сўнг бошқа жамоаларнинг сизнинг жамоангизга билдирадиган шарҳлари ва таклифларига 5 дақиқа ажратилади.
Бу сессия сизга ҳамкасб–стартапчилардан фойдали шарҳлар олишга ҳамда лойиҳа ва режалар ҳақида қисқача гапиришни ўрганишга ёрдам беради. Барча жамоалардан тайёрланишни сўраймиз! Қатнашиш мажбурий! Zoom-ҳаволани гуруҳингизга юборамиз.
⏰ Чоршанба, 21 апрель, 16:00
Бугун меҳмон-спикер Basconi Lux компаниясининг маркетинг бўлими раҳбари Анна Подгорная билан C.A.T. Science Accelerator Biotech 3.0 семинари ўтказилди.
Анна маркетинг асослари бўйича қизиқарли ва интерфаол сессияни ўтказди.
Жамоалар бир нечта кейсни кўриб чиқишди, маркетинг асослари, коммуникацияларда муҳим хабарлар ва маркетологлар учун стратегия ва аналитиканинг муҳимлиги ҳақида кириш маълумотларига эга бўлишди.
Семинар учун Аннага ташаккур билдирамиз!
