Akseleratorga ariza berish
Seminar: Lean Startup / Problem Statement Canvas
Shanba, 11:00
Ilg‘or texnologiyalar markazi, Toshkent sh.
Vazifa:
Har bir jamoa 1-2 taqdimot slaydlarini tayyorlashi kerak, ular quyidagilarni o’z ichiga olishi kerak:
+ loyiha nomi;
+ logotip;
+ saytda jamoa yaratganmisiz;
+ loyihangizda qanday innovatsiyalar bor / bo’ladi;
+ loyihangizda qanday IT texnologiyalari bor / bo’ladi.
Sana: 30 aprel, shanba kuni
Vaqt: 11:00
O‘tkazilish joyi: Ilg‘or texnologiyalar markazi, Toshkent sh.
Toshkent shahri va Toshkent viloyatining barcha jamoalari ishtirok etishi shart! Hududlardagi jamoalar uchun Zoom-da onlayn translyatsiya mavjud bo’ladi.
Alisher Yusupov bilan “Startap va innovatsiyalar” mavzusida vebinar 27-aprel kuni, soat 17:00 da bo’lib o’tadi
Birinchi vebinarimiz ertaga, 27-aprel kuni, soat 17:00 da bo’lib o’tadi.
Mavzu: Startaplar va innovatsiyalar.
Spiker: Аlisher Yusupov, Brand.uz IT-kompaniyasining rahbari, Startup Mix konferentsiyasining asoschisi, C.A.T. Science Accelerator startap-akseleratori va boshqa startap-loyihalarning mentori.
Аlisher IT (raqamlashtirish, Buyumlar Interneti – IoT, Sunʼiy Intellekt – AI) qanday qilib turli bizneslarda qoʼllanishi mumkinligi haqida gapirib beradi.Iilmiy startaplarning misollarini muhokama qilamiz.
Vebinar Zoomda oʼtkaziladi. Havolani guruhimizga seminar boshlanishidan bir soat oldin yuboramiz.
Eslatib oʼtamiz, qatnashish barcha jamoalar uchun majburiy, biz qatnashishlar davomatini yuritamiz.
Barchangizni ertaga soat 17:00da ZOOM platformasida kutamiz!
Jamoalarni shaxsiy telegram kanalida ro’yxatdan o’tkazish va loyiha nomini yaratish
Toshkent shahridagi jamoalar Ilg‘or texnologiyalar markazida yig‘ildi, viloyatlardagi jamoalar esa onlayn tarzda ishtirok etishdi.
Innovatsion rivojlanish vaziri o‘rinbosari Shahlo O‘tkurovna Turdiqulova jamoalarni akseleratoga tanlangani va ish boshlangani bilan tabrikladi. Shahlo O‘tkurovna Innovatsion rivojlanish vazirligi tomonidan startaplarni qo‘llab-quvvatlayotgani va oldingi akselerator to‘plamlarida ishtirok etgan jamoalarning muvaffaqiyati haqida gapirib berdi.
C.A.T. Science Accelerator direktori Vladimir Tsoy Ilg‘or texnologiyalar markazi laboratoriyalarini taqdim etdi va akselerator qanday jihozlar, infratuzilma va murabbiylik yordamini (olimlar va biznes vakillar tomonidan) taqdim etishi mumkinligini aytdi.
Startap ekotizimlari va olimlar va tadbirkorlar uchun imkoniyatlar haqida gapirdilar:
• Ne’matzoda Firdavs Ne’matovich, iqtidorli yoshlar bilan ishlash bo‘limi boshlig‘i;
• Ilhamov Azizbek Yodgor o‘g‘li, startap ekotizimini shakllantirish va rivojlantirish boshqarmasi boshlig‘i;
• Akbarxon Sobirxonov Aziz-o‘g‘li, Innovatsiyalar va texnologiyalar transferi milliy byurosining tijoratlashtirish va biznesni rivojlantirish bo‘yicha direktor o‘rinbosari.
6 oy davomida akseleratordagi ishlar qanday olib borilishini akseleratorning ustozi va kuzatuvchilari Alisher Yusupov va Saida Yusupova so’zlab berishdi.
Shuningdek, jamoalarni nomlash usullari bo’yicha qisqa sessiya o’tkazildi.
Tadbirning interaktiv qismida barcha jamoalar Elevator Pitch mashqini bajarishdi (1 daqiqada o‘z loyihasini tomoshabinlarga taqdim etishdi).
Akseleratorning seminarlari va mentorlik mashg’ulotlari 27 aprelda boshlanadi. Yangiliklarni kuzatib boring!
23 aprel kuni Ilg’or texnologiyalar markazida C.A.T Science Accelerator 4.0.-ning ochilish marosimi bo’lib o’tadi
Hurmatli finalchilar, sizni C.A.T. Science Accelerator 4.0 ochilishiga taklif qilamiz!
Biz akseleratorda ishlash qoidalari, jamoalarni shakllantirish tartibi haqida gapirib beramiz va faoliyatingizni kuzatib borish imkonini beradigan onlayn-platforma bilan tanishtiramiz.
Toshkent shahri va Toshkent viloyatining barcha jamoalari ishtirok etishi shart! Hududlardagi jamoalar uchun esa onlayn translyatsiya mavjud bo’ladi.
Shuningdek, oʻzlashtirish reyting bilan birga oflayn va onlayn seminarlarda qatnashish ballari hisobga olinadi va sizning reytingingizga ta’sir qiladi.
Tanlovdan o‘tgan ishtirokchilar ro‘yxatini e’lon qilamiz:
1. Abdullaev Hamidjon, Farg’ona sh. (»Ta’limda 3D»: tibbiy 3D simulyator)
2. Abduqodirov Ilhomjon, Toshkent sh. (BFQ, buyrak toshlariga qarshi ekstrakt ishlab chiqarish)
3. Abduraimov Sanjar, Toshkent sh. (“yashil” vodorod generatorlar ishlab chiqarish)
4. Bakiyev Qudrat, Toshkent sh. (Tuproq va suv tahlili uchun tezkor test to’plamini yaratish)
5. Botirova Xurshida, Jizzax sh. (aseton sinovi, atsetonni aniqlash uchun maxsus indikator ishlab chiqarish)
6. Choriyev Azimjon, Qarshi sh. (“Yashil” texnologiya yordamida karbonat angidrid asosida yangi organik birikmalarni olish texnologiyasi)
7. Dilmurodov Ma’rufjon, Toshkent sh. (tish shifokorlari uchun gemostatik gel)
8. Jo‘rayev Mirjalol, Termiz sh. (Mahalliy xomashyolardan erto’la va bino tomlari uchun harorat saqlovich geomembranlarni olish va qo‘llash texnologiyasi)
9. Ilesaliev Dauren, Toshkent sh. («yashil» logistika)
10. Kamolova Yulduzxon, Toshkent sh. (koxlear implantlar, eshitish va nutqida zaifligi mavjud bolalar uchun dasturiy ta’minot va qurilma yaratish)
11. Qo‘shbakov Kamolidin, Toshkent sh. (ishlatilgan plastikdan plitkalar ishlab chiqarish)
12. Li Vyacheslav, Toshkent sh. (organik komponentlardan kukun ishlab chiqarish)
13. Mirakbarova Omina, Toshkent sh. (qandli diabetga chalinganlar uchun ortopedik poyabzal ishlab chiqarish)
14. Muzaffarova Gavhar, Toshkent sh. (IT texnologiyalaridan foydalangan holda qishloq xo‘jaligi uchun urug‘ sepuvchi)
15. Norqo‘ziyeva Nozima, Toshkent sh. (tuproqni tahlil qilish qurilmasi)
16. Normurotov Jahongir, Termiz sh. (gidrogel, polimer komplekslari yordamida tuproq sho‘rlanishining oldini olish va uni bartaraf etish texnologiyasini ishlab chiqish).
17. Ramazonova Kamola, Toshkent sh. (tibbiy sovun ishlab chiqarish)
18. Ravshanov Samandar, Toshkent sh. (Aminalab loyihasi, raqamli tibbiyot)
19. Shakarboeva Xavasoy, Toshkent sh. (tibbiy jarohatlangan tagliklar)
20. Sirojova Husniya, Guliston sh. (qishloq xo‘jaligida qushlarni qo’rqituvchi)
21. To‘rayeva Gulandon, Qarshi sh. (sabzavot vegetativ texnologiyasi)
22. Tursunova Dilnozakson, Farg‘ona sh. (parrandachilik xo‘jaliklarida ekologik chiqindilar hisoblangan patlarni qayta ishlashning chiqindisiz texnologiyasi)
23. Umaraliyev Sherzodbek, Farg‘ona sh. (ko‘rish diagnostikasi qurilmasi)
24. Usmonov Islombek, Farg‘ona sh. («MILK SILK» sut oqsilidan (kazein) tola ishlab chiqarish)
25. Usmonov Furqat, Farg‘ona sh. (bolalar uchun STEM robototexnika to‘plamini ishlab chiqish)
26. Xudoyberdiev Doniyorbek, Toshkent sh. (Robot w: oyna tozalash)
27. Sharipova Dilnora, Buxoro sh. (meva quritgichning takomillashtirilgan versiyasini ishlab chiqish)
28. Yekaterina Yun, Toshkent sh. (bioxaklash loyihasi)
Barcha jamoalarni tabriklaymiz! Oldinda – 6 oylik faol ish.
Bir necha kundan keyin akseleratorning uchrashuv va seminarlari boshlanadi. Yangiliklarimizni kuzatib boring!
Ikkinchi saralash bosqichi yakunlandi. Natijalar ijtimoiy tarmoqlarda va akseleratorning veb-saytida 16 aprelgacha e’lon qilinadi.
