Akseleratorga ariza berish
Пектинни шу ернинг ўзида ишлаб чиқариш импорт пектиннинг юқори қиймати билан боғлиқ муаммони ҳал этади, шарбат ишлаб чиқарувчиларнинг чиқиндиларидан (олма ва бошқа кунжаралар) мақсадли фойдаланиш ҳамда янги озиқ-овқат ва тиббий йўналишларни ривожлантириш имконини беради. Бундан ташқари, пектин желатин аналоги сифатида ўсимликлардан олинади, бу эса Ўзбекистон аҳолисининг мусулмонлар қисми истеъмол қилиши учун мақбул ҳисобланади.
Акселераторда биз «GIST Regional Startup Training Central Asia» тренинг дастурида қатнашдик ва ғолиб чиқдик, шунингдек маҳсулот, бизнес-модель, бренд ва жамоани яратиш бўйича катта тажрибага эга бўлдик.
Айни пайтда биз импорт ўрнини босувчи маҳсулотларни ишлаб чиқариш билан шуғулланувчи «ONSITE» компаниясини очганмиз. Биз Ўзбекистон Республикаси Инновацион ривожланиш вазирлигидан маблағ олдик ва олма пектинини ишлаб чиқариш учун ускуна харид қиляпмиз.
