Akseleratorga ariza berish
Vebinar mavzusi: Sheriklar va yetkazib beruvchilarni izlash
Spiker: Nora Raximova, aviatsiya, turizm va logistika sohasidagi biznes-loyihalarning rahbari. “Yashil” texnologiyalar sohasidagi loyihalar mentori. Rahbar lavozimlarda 25 yildan ortiq ishlab kelmoqda, biznes-rejalashtirishda va marketing strategiyalarini ishlab chiqishda katta tajribaga ega.
Vebinarda Nora, xususan ishlab chiqarish loyihalari uchun yetkazib beruvchilarni izlash, bo‘lg‘usi sheriklarni siz bilan hamkorlikka qanday qiziqtirish mumkinligi haqida gapirib beradi.
Vebinar Zoom platformasida o‘tkaziladi.
Shanba, 12-avgust, 11:00
Adel Yengalichev ma’lumoti bo‘yicha aviadispetcher. Mutaxassisligi bo‘yicha biroz ishlab, tadbirkorlikka o‘tib ketdi – dastavval mamlakatga yog‘och olib kirish bilan shug‘ullandi, parket doskasini ishlab chiqardi, keyin og‘ir sanoatga o‘tdi.
Hamma o‘z uyida o‘tirgan karantin davrida Adel tuproqsiz va quyosh nurisiz sabzavot va reza-mevalarni yetishtirishga urinib ko‘radi.
Buning natijasi qanday bo‘lgani, nega ishni qulupnay yetishtirishdan boshlagani, davlatdan qanday qilib 300 mln so‘m miqdorida grant olgani hamda bu texnologiyani qayerda qo‘llash mumkinligi haqida “Bionovatic Food” loyihasining asoschisi Adel Yengalichev so‘zlab beradi.
Suhbatni to‘liq You-Tube platformasida tomosha qiling: https://youtu.be/blHqSDjCvwA
Suhbatning matnli versiyasi: https://www.spot.uz/ru/2023/08/09/bionovatic-food/
9-avgust kuni investitsiyalar bo‘yicha seminarga taklif etamiz.
O’zbekistonda qanday venchur fondlari borligini, ular qanday loyihalarni moliyalashtirishini va investorlar bilan uchrashuvga qanday tayyorgarlik ko‘rish lozimligini muhokama qilamiz.
Unda investitsiyalarning turlarini va startapni moliyalashtirish bosqichlarini ko‘rib chiqamiz. Investorlar uchun nimalar muhimligi haqida so‘z yuritamiz. O’zbekistonda qanday venchur fondlari borligini, ular qanday loyihalarni moliyalashtirishini va investorlar bilan uchrashuvga qanday tayyorgarlik ko‘rish lozimligini muhokama qilamiz.
Seminar 9-avgust kuni soat 18:00 da Zoom platformasida o‘tkaziladi.
Keyingi seminarimiz shanba kun, 5-avgust kuni soat 11:00 da o‘tkaziladi.
Mavzu: Patent huquqi va intellektual mulk
Mavzu: Patent huquqi va intellektual mulk
Spiker: Ibragimov O‘ktamjon – O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligining “Tijoratlashtirish va texnologiyalar transferini rivojlantirish bo‘limi”ning bosh mutaxassisi.
Kim intellektual mulk sohibiga aylanishi mumkinligini, intellektual mulkka bo‘lgan huquqlarni qanday olish mumkinligini, patent huquqlari nimalarni o‘z ichiga olishi va startaplar uchun patent huquqi qay darajada muhimligini muhokama qilamiz.
Vebinar Zoom platformasida o‘tkaziladi, havolani esa vebinar boshlanishidan bir soat oldin guruhga yuboramiz.
Barchani shanba kuni soat 11:00 da kutamiz!
Startapingizning asosiy missiyasi nimadan iborat, qanday maqsadlarga erishmoqchisiz?
«Digital Twin» startapining asosiy missiyasi korxonalar va bizneslarning raqamli “egizaklarini” yaratishdan iborat. Biz ushbu korxonalarda ishlab chiqarish va logistika jarayonlarini optimallashtirish va takomillashtirishga erishish uchun harakat qilyapmiz. Maqsadimiz – ishlab chiqarish jarayonlarini monitoring qilish va optimallashtirish, resurslarni boshqarish va ish samaradorligini yaxshilash uchun ularga vositalarni taqdim etish.
Biz bizneslarga o‘z mahsuldorligini yaxshilashga, chiqimlarni kamaytirishga va mahsulotlar yoki xizmatlar sifatini oshirishga yordam beradigan innovatsion yechimni yaratishni istaymiz. Pirovardida, biz barcha korxonalar va bizneslar o‘z salohiyatini oshirishi va yuqori natijalarga erishishi uchun raqamli “egizaklardan” foydalana olishlariga intilyapmiz.
Raqamli “egizaklar” texnologiyasi qaysi sohalarda qo‘llanishi haqida gapirib bersangiz
Hozirda raqamli “egizaklar”ni rivojlantirishning bir nechta yo‘nalishlarini belgilash mumkin:
Ishlab chiqarish: Raqamli “egizaklar” ishlab chiqarish tizimlari, uskunalar va jarayonlarning virtual modellarini yaratish uchun foydalaniladi. Ular virtual testdan o‘tkazish va optimallashtirish imkonini beradi, bu esa samaradorlikning oshishiga va xarajatlarning kamayishiga olib keladi. Masalan, raqamli “egizaklar” avtomobil sanoatida avtomobillarni modellashtirish va ularning ko‘rsatkichlarini yaxshilash uchun foydalaniladi.
Arxitektura va qurilish: Bu sohada raqamli “egizaklar” binolar va infratuzilmaning virtual modellarini yaratishga yordam beradi. Ular arxitektorlar va muhandislarga virtual loyihalash, loyihalarni jismoniy amalga oshirishdan oldin tahlil qilish va testdan o‘tkazish imkonini beradi. Bunga Parijdagi Bibi Maryam ibodatxonasining qayta tiklanishini misol sifatida keltirish mumkin. O‘shanda Ubisoft kompaniyasi o‘zi avval yaratgan o‘yin yordamida ibodatxonaning raqamli nusxasini taqdim etgandi. Aynan shu UNESCO yodgorligining tarixiy qiyofasini tiklashning yagona imkoniyatiga aylandi.
Sog‘liqni saqlash. Raqamli “egizaklar” tibbiyotda bemorlar va tana a’zolarining virtual modellarini yaratish uchun qo‘llanadi. Ular shifokorlarga operatsiyalarni virtual modellashtirish va rejalashtirish hamda yangi davolash metodlarini testdan o‘tkazish imkonini beradi. Masalan, raqamli “egizaklar” jarrohlikda murakkab operatsiyalardan oldin virtual mashq qilish uchun yoki jarrohlik aralashuvini individual rejalashtirish uchun qo‘llanadi.
Transport va logistika: Bu yerda raqamli “egizaklar”dan transport tarmoqlari, transport vositalari yoki yuklarning virtual modellarini yaratish uchun foydalaniladi. Ular yo‘nalishlarni optimallashtirish, yetkazib berish samaradorligini yaxshilash va logistika jarayonlarini boshqarish imkonini beradi. Masalan, raqamli “egizaklar”dan logistikada ombor amaliyotlarini virtual optimallashtirish yoki yetkazib berishlar zanjirini yaxshilash uchun foydalaniladi.
Energetika: Raqamli “egizaklar” energetika tizimlari va tarmoqlarining virtual modellarini yaratish uchun energetika tarmog‘ida ham qo‘llanadi. Ular energiya sarfini optimallashtirish, yuklamani prognozlash va energetika jarayonlarini boshqarish imkonini beradi. Masalan, raqamli “egizaklar”dan quyosh panellarining joylashuvini optimallashtirish va ularning unumdorligini prognozlash uchun quyosh energetikasida ham foydalaniladi.
Startapni ishga tushirish jarayonida siz duch kelgan eng katta to‘siqlar nimadan iborat bo‘ldi, ularni qanday yengib o‘tdingiz?
Har bir startapda yengib o‘tilishi kerak bo‘lgan to‘siqlar bo‘ladi, biz duch kelgan to‘siqlarga to‘xtaladigan bo‘lsak, o‘quvchilarni hayron qoldirishimiz dargumon, lekin asosiylari – bu:
Jamoangizning har bir a’zosi loyihada qanday rol o‘ynaydi? Ular loyihaga qanday ko‘nikmalar va tajribani olib kirmoqda?
Jamoada hozircha 4 kishi bor:
1) Ozodbek – ishlab chiquvchi. U loyihaning texnik tomonini yaratish va qo‘llab-quvvatlash uchun mas’ul, DT dasturlashtiradi va uni ishlab chiqadi, ma’lumotlar bazalari bilan ishlaydi. U loyihaning funksi onalligi va uning texnik jihatdan amalga oshirilishi uchun javob beradi.
2) Ilhom – grafik dizayner. Uning vazifasi — loyihaning vizual tarkibiy qismini yaratish. U vizual dizayn va grafik redaktorlar bilan ishlash ko‘nikmalariga ega. U maksimal o‘xshash virtual olamni yaratadi, u o‘zi yaratgan teksturadagi har bir tirnalgan joy va g‘adir-budirlikni biladi.
3) Oqmurod – marketolog. U loyihani ilgari surish va foydalanuvchilarni jalb qilish uchun mas’ul. U raqamli marketing, bozor tahlili, iste’molchilar auditoriyasini tadqiq qilish, marketing strategiyalarini ishlab chiqish va reklama kampaniyalarini boshqarish bo‘yicha ekspert. U loyihaning marketing strategiyasini yaratish va amalga oshirish uchun javob beradi.
4) Ivan – menejer. U jamoa faoliyatini umumiy muvofiqlashtirish va loyihani boshqarish uchun mas’ul. Uning faoliyat sohasi ishni tashkillashtirish, rejalashtirish va kommunikatsiyalardan iborat. U muddatlar va ustuvorlikni belgilash, vazifalarni taqsimlash, buyurtmachilar bilan muloqot qilish va loyiha oldiga qo‘yilgan vazifalarning bajarilishini nazorat qilish uchun javob beradi.
Akselerator mentorlari bilan qanday ishlayotganingiz va jamoaga mentorlikdan qanday yordam kerakligi haqida gapirib bersangiz?
Biz loyihamizni rivojlantirishni tezlashtirish maqsadida qimmatli maslahatlar, rahbarlik va ekspertiza olish uchun akselerator mentorlari bilan ishlaymiz. Biz loyihaning barcha mentorlari tadbirkorlik, texnologiyalar va biznes sohasida boy tajribaga ega ekanidan va ularning bilimlari bizga to‘siqlarni yengib o‘tishga hamda strategik qarorlarni qabul qilishga yordam berayotganidan mamnunmiz.
Mentorimiz — Akmal Salixov, unga minnatdorchilik bildiramiz, u bizga quyidagilar borasida yordam bermoqda.
Birinchidan, bozorni va biz faoliyat ko‘rsatayotgan tarmoqni yaxshi tushunishimizga yordam berdi. Ikkinchidan, muvaffaqiyatga olib boruvchi ustuvorliklarni belgilashga ko‘maklashdi. U o‘z tajribasi bilan o‘rtoqlashib, bizga qo‘yilgan maqsadlarga erishish uchun amaliy maslahatlarni taqdim etdi.
Umuman olganda, mentorlardan olinayotgan yordam – bebaho. Biz mentorlarimizning ekspertizasini qadrlaymiz, ular bizga loyihamizni rivojlantirishga va barqaror o‘sishga erishishimizga yordam bermoqda.
Raqamli “egizaklarni” yaratish texnologiyangiz nimasi bilan bozorda faoliyat ko‘rsatayotgan mavjud shunday yechimlardan farq qiladi?
Raqamli “egizaklar”ni yaratish texnologiyamiz boshqa yechimlardan bir nechta muhim jihati bilan farq qiladi.
Birinchidan, biz modellashtirishning haqqoniyligi va aniqligiga urg‘u beramiz. Jamoamiz obyektlar va tizimlarni diqqat bilan o‘rganadi, xatti-harakatlarni aniq aks ettiruvchi batafsil modellarni yaratadi. Biz real ma’lumotlarni tahlil qilamiz va obyektlarning virtual ishini aks ettirish uchun ilg‘or algoritmlardan foydalanamiz. Bu bizga xatti-harakatlarni real vaqtda yuqori darajada haqqoniylik bilan bashorat qilish va modellashtirish imkonini beradi.
Ikkinchidan, biz platformamiz moslashuvchan va kengayuvchan bo‘lishiga intilamiz. Dasturiy ta’minotimiz modulli arxitekturaga ega bo‘lib, bu uni boshqa tizimlar bilan oson integratsiyalashni va uning funksi onalligini kengaytirishni ta’minlaydi. Shuningdek, biz platformamiz dolzarb va samarali bo‘lib qolishi uchun raqamli “egizaklar” sohasidagi eng yangi texnologiyalarni faol tadqiq qilamiz va joriy etamiz.
Va nihoyat, biz foydalanuvchilik tajribasiga katta e’tibor qaratamiz. Dasturiy ta’minotimiz intuitiv tarzda tushunarli interfeysga ega bo‘lib, vizuallashtirish va ma’lumotlarni tahlil qilish uchun mo‘ljallangan vositalarning keng to‘plamini taqdim etadi. Shuningdek, biz mijozlarimiz texnologiyamizdan maksimal samarali foydalana olishi uchun ularga ta’lim va ko‘mak xizmatlarini taqdim etamiz.
Ushbu omillarning hammasi birgalikda raqamli “egizaklar”ni yaratish texnologiyamizni bozorda raqobatbardosh qiladi va bizga boshqa yechimlar oldida ustunlikni ta’minlaydi.
O‘z faoliyatida raqamli “egizaklar”dan foydalanadigan kompaniyalar konkret qanday afzalliklarga ega bo‘ladi?
Raqamli “egizaklar”dan foydalanadigan kompaniyalar olishi mumkin bo‘lgan bir nechta konkret afzallik mavjud:
1) Yangi mahsulotlar va xizmatlarni ishlab chiqish va sinovdan o‘tkazishga ketadigan vaqt va xarajatlarning kamayishi. Raqamli “egizaklar” turli stsenariylarni modellashtirish va simulyatsiyalash imkonini beradi, bu esa kompaniyalarga ehtimoliy muammolarni oldindan ko‘ra olishga va mahsulotlarni ishlab chiqish bosqichida optimallashtirishga yordam beradi.
2) Ishlab chiqarish jarayonlari va amaliyotlari samaradorligining oshishi. Kompaniyalar muammoli joylarni aniqlashi va ish jarayonlarini optimallashtirishi mumkin bo‘ladi.
3) Mijozlik tajribasining yaxshilanishi. Raqamli “egizaklar” mijozlarning ehtiyojlarini oldindan bilib olish va ularga qo‘shimcha mahsulotlar yoki xizmatlarni taklif etish imkonini beradi, bu esa xizmat ko‘rsatish darajasini va mijozlarning qoniqish darajasini yaxshilaydi.
4) Xavfsizlikning yaxshilanishi va muammolarning aniqlanishi. Raqamli “egizaklar” kompaniyalarga ehtimoliy zaifliklarni real amaliyotlarni to‘xatib qo‘yish zaruratisiz aniqlash imkonini beradi. Shu tarzda kompaniyalar muammolarga tezroq javob reaktsiyasini ko‘rsatishi va xavfsizlikni oshirish uchun choralar ko‘rishi mumkin.
5) Xatarlarning sezilarli darajada kamayishi. Raqamli “egizaklar” kompaniyalarga turli tajribalar va simulyatsiyalarni o‘tkazish imkonini beradi, bu esa ehtimoliy muammolarni oldindan ko‘ra bilishga va bo‘lg‘usi qarorlar yoki startegiyalar bilan bog‘liq xatarlarni baholashga yordam beradi.
Umuman olganda, kompaniyalar faoliyatida raqamli “egizaklar”dan foydalanish ularga o‘z jarayonlarining samaradorligini, innovatsionliligini va xavfsizligini oshirish hamda vaqt va moliyaviy xarajatlarni kamaytirish imkonini yaratadi.
Yaqin kelajakda raqamli “egizaklar” texnologiyasi qanday rivojlanadi deb o‘ylaysiz, uni yaxshilash va kengaytirish borasida kompaniyangizning qanday rejalari bor?
Yaqin yillarda raqamli “egizaklar” texnologiyasining rivoji juda tez va shiddatli bo‘ladi. AR va VR tizimlarining rivojlanishi hamda yirik kompaniyalarning o‘zaro munosabatlar vositalarini va qo‘llash muhitini yaratishdan manfaatdorligi bu soha va bozorning rivojlanishini tezlashtiradi xolos.
Biz raqamli “egizaklar”ni yaratish jarayonini yaxshilashga, uni aniqroq va samaraliroq qilishga intilyapmiz. Biz professional jihatdan o‘sishga va jamoani kengaytirishga harakat qilyapmiz, bu kelgusida raqamli “egizaklar”dan foydalanish chegaralarini kengaytirishimizga, ularni turli sohalarga joriy etishimizga yordam beradi. Shuningdek, biz raqamli “egizaklar” bilan oson va intuitiv tarzda o‘zaro aloqa qilish uchun foydalanuvchilik tajribasini va iloji boricha foydali ma’lumotlarni olishni yengillashtirishga intilyapmiz. Kelgusida raqamli “egizaklar” faoliyatiga sun’iy intellektni va mashina ta’limini joriy etish ham ustuvor yo‘nalishimizga aylanadi.
Maqsadimiz — tashkilotlarga o‘z faoliyatida ushbu texnologiyani joriy etishda innovatsion yechimlarni taklif qilgan va bu borada yordam bergan holda, raqamli “egizaklar”ning yetakchi ishlab chiquvchilari va yetkazib beruvchilaridan biriga aylanish.
Chorshanba, 2-avgust kuni o‘tkaziladigan navbatdagi seminar mavzusi: ESG (Ekologik ijtimoiy boshqaruv) va kompaniyalarning investitsion maftunkorligi
Seminar Zoom platformasida (2-avgust soat 18:00 da) o‘tkaziladi.
Investorlarning toboro ko‘pchiligi, ayniqsa xorijda, u yoki bu kompaniyaga investitsiya qilish haqida qaror qabul qilar ekan, uning ekologiya va ijtimoiy sohaga ta’sirini hisobga olishni boshlamoqda.
✅ ESG-tamoyillar (Environmental – ekologiya, Social – ijtimoiy loyihalar, Governance – korporativ boshqaruv) – bu kompaniyalar o‘z faoliyatini tashkillashtirganda rioya qiladigan ekologik va ijtimoiy standartlar. Bunday biznes atrof-muhitni asraydi, ijtimoiy adolatga intiladi, investorlar, aktsiyadorlar, xodimlar va mijozlarga nisbatan shaffof.
O‘zbekistonda kompaniyalar nega bu tamoyillarga amal qilishi muhim ekani haqida so‘z yuritamiz.
Spiker: Barno Isomiddinova, startap-dasturlar va treninglar mentori va koordinatori.
Seminar Zoom platformasida (2-avgust soat 18:00 da) o‘tkaziladi.
Starapingizning asosiy missiyasi nimadan iborat, uning yordamida nimaga erishmoqchisiz?
Startapni ishga tushirish jarayonida siz duch kelgan eng katta to‘siqlar nima bo‘ldi, ularni qanday yengib o‘tdingiz?
Bu muammolarni hal qilish uchun 2017-yildan buyon qattiq yoqilg‘ili qozonlarda ko‘mirni avtomat yoqish loyihasi ustida ishladik. Loyihani saqlash va qo‘llab-quvvatlashga harakat qilgan holda, unga mablag‘ yo‘naltirdik va rivojlandik, chunki mahsulotimiz kelajakda talabga ega bo‘lishiga ishonardik.
Biroq, 2023-yil boshidagi anomal sovuqlar hukumatni energiya ta’minoti bo‘yicha va qattiq yoqilg‘idan muqobil sifatida foydalanish bo‘yicha tubdan qaror qabul qilishga majbur qildi.
Qozonlarning qanday turlari mavjud, ular xarakteristikasi va funktsionalligi bo‘yicha qanday farq qiladi?
Kompaniyamiz ikki turdagi qattiq yoqilg‘i qo‘llanadigan qozonlarni ishlab chiqaradi: avtomat qozonlar va yarim avtomat qozonlar. Keling har bir qozonni batafsil ko‘rib chiqamiz:
Pancerpol firmasi (Polsha) tomonidan ishlab chiqarilgan avtomat qozonlar masofadan turib pult yoki internet modul yordamida boshqariladi. Ular qum ko‘mir, yog‘och qirindisi, sholi sheluxasi, pelletalar va boshqa xo‘jalik chiqindilari kabi turli mayda fraktsiyali yonilg‘ini yoqishga qodir. Bunkerni yoqilg‘iga yuklash 4-5 kunga yoki katta bunker bo‘lsa 1 yilgacha yetadi. Qozonlar xavfsiz, ekologik va Yevropa standartlariga muvofiq keladigan 6 mm po‘latdan tayyorlangan. Bu qozonlarning kafolati 15 yilni tashkil qiladi. Ular mavsumda faqat 1 marta yoqiladi va belgilangan haroratga erishilganida avtomat tarzda o‘chadi.
Protech firmasining (Polsha) chizmalari bo‘yicha yarim avtomat qozonlar ham masofadan turib boshqariladi, ular ham turli yoqilg‘ini, shu jumladan aralash ko‘mir, o‘tin va yog‘och kirindisini yoqish uchun mo‘ljallangan. Yoqilg‘i bilan bir marta yuklash 16-20 soatga yetadi. Ulardan foydalanish qulay, xavfsiz, ular ham 15 yillik kafolatga ega. Qozonlar belgilangan haroratga qarab avtomat tarzda yonadi va o‘chadi.
Jamoangizning har bir a’zosi qanday vazifani bajaradi? Ular loyihaga qanday ko‘nikma va tajribani olib kiryapti?
Natijada, faoliyat davomida ijrochi bo‘g‘in xodimlari muzokaralar olib borish, mahsulotni taqdim etish, jamoa bo‘lib ishlash, texnik masalalarni hal qilish kabi yangi ko‘nikmalarga ham ega bo‘lishdi. Bunda ularning oila a’zolari va do‘stlari, ya’ni hamfikrlari muhim rol o‘ynadi, ular loyihani har tomonlama qo‘llab-quvvatlab turishdi va uning muvaffaqiyatiga ishonishdi.
Akselerator mentorlari bilan qanday ishlayotganingiz haqida gapirib bersangiz, mentorlardan jamoangizga qanday yordam kerak?
Mentorlar bilan xuddi psixoterapevt bemor bilan ishlayotganday ishlaymiz, bemor bu yerda biz. Aynan biz loyihada yuzaga kelayotgan muammolar va biror-bir vaziyat bo‘yicha qabul qilingan qarorlar haqida gapiramiz, muammoni mavhumlashtirib, mos keladigan yechimlarni topamiz.
Startapingiz bozordagi raqobatchilarnikidan nimasi bilan farq qiladi? Raqobatdagi ustunligingizni qanday ushlab turmoqchisiz?
Startapimiz mamlakatda bu sohada birinchilardan ekanimiz va boshqalarga qaraganda mahsulot bo‘yicha ko‘proq ma’lumotga ega ekanimiz bilan farq qiladi. Shuningdek, biz uzluksiz rivojlanyapmiz, Yevropa mamlakatlari va AQSHda bilim va tajriba orttirishga mablag‘lar yo‘naltiryapmiz.
Staraptingiz bo‘yicha kelajak rejalaringiz qanday? Qanday yangi mahsulotlarni yoki funktsiyalarni joriy etishni rejalashtirgansiz?
Faoliyatimiz muqobil energetikani, xususan qattiq yonilg‘ini rivojlantirishga qaratilgan. Bugungi kunda ko‘mir yoqilg‘isi ustuvor bo‘lib turibdi, biroq yaqin kelajakda turli organik chiqindilarni kompaundirlash va granulalash yo‘li bilan boshqa yuqori kaloriyali qattiq yoqilg‘ini yaratishni rejalashtirganmiz. Shuningdek, talabga qarab avtomat ko‘mir havo qozonlari asosidagi turli quritish pechlarini ishlab chiqish bo‘yicha loyihalar va energetika xarakteriga ega boshqa loyihalar ustida ishlanadi.
Qozonlarga asoslangan turli isitish tizimlarining qanday afzalliklari va kamchiliklarini ko‘rsatib o‘tish mumkin?
Ushbu savolga javobni butun bir maqola bilan berish mumkin, internetda bu haqda materiallar ko‘p, men faqat bir narsani aytishim mumkin – gazda ishlaydigan qozonlar tizimida siz gaz ta’minotiga va turli avariya holatlariga va boshqa sabablarga bog‘liq bo‘lasiz.
Xaridor qozonni tanlayotganda ularning qaysi asosiy texnik xarakteristikalarini e’tiborga olishi lozim?
Qattiq yoqilg‘ili qozonni tanlayotganda xaridor quyidagilarga e’tibor qaratishi kerak:
Energiyani tejash va qozonlarnig ishlashini optimallashtirish uchun qozon sohiblariga qanday maslahatlarni bergan bo‘lardingiz?
Qozonlarni, u gazli yoki qattiq yoqilg‘ili bo‘lishidan qat’i nazar, avtomatika bilan jihozlash kerak. Avtomatika haddan tashqari qizib ketishning oldini olish uchun qozondagi va xonadagi haroratni bir tekis boshqarish imkonini beradi, bu esa, o‘z navbatida, yoqilg‘ini tejaydi.
O‘zbekistonda asosan gazda ishlaydigan qozonlardan foydalanishadi, qish davrida gaz bosimi past bo‘lgani uchun ko‘pchilik gaz qozonlarida qattiq yoqilg‘ini yoqadi, agar qozon qattiq yoqilg‘iga mo‘ljallanmagan bo‘lsa, bunday qilish mumkin emas.
Qishni qulay issiq haroratda o‘tkazish va gaz ta’minotiga bog‘lanib qolmaslik uchun mavjud gaz qozoniga zamonaviy qattiq yoqilg‘ili zaxira qozonni xarid qilgan ma’qul. Zamonaviy qattiq yoqilg‘ili avtomatika o‘rnatilgan qozonlar muntazam ravishda ko‘mir solishni va tozalashni talab qilmaydi, ular gaz qozonlari kabi deyarli moslashtirilgan. Yoqilg‘i narxi ham muhim ahamiyatga ega, kelayotgan qish faslida energiya resurslarini bozor narxlariga o‘tkazish bo‘yicha islohotlar amalga oshiriladi, tabiiy gazga subsidiyalar ajratish kamroq bo‘ladi.
