Akseleratorga ariza berish
Biz intervyular seriyasini davom ettiramiz va «Smart Bunker» jamoasi bilan tanishamiz.
1. Bizga loyihangiz haqida so’zlab bering. Nima ishlab chiqarishni rejalashtiryapsiz? Sizning startapingiz g’oyasi qachon paydo bo’lgan?
Hozirgi kunda don (bug’doy, paxta) va barcha seyalkalardagi bunkerlarda ekiladigan mahsulotlar va shu bilan birga mahsulotlarga o’g’it sepish uchun aqilli tizim ya’ni Smart Bunker loyihasini ishlab chiqdik. Bu tizim quyidagi mummolarga yechim topadi:
‐ mashinistning jismoniy toliqishi;
‐ yoqilg’ining sarf bo’lishi;
‐ vaqtning behuda sarf bo’lishi;
‐ yillik hosildorlikning kamayishini bartaraf etadi.
Qishloq xo‘jaligidagi texnikalarini, yani seyalkalarda bunkerga solingan maxsulotni satxini nazorat qiluvchi qurilmani chiqarish rejalashtirilgan.
Startap g’oya qishloq xo’jaligidagi eski tizmni kuzatgandan so’ng bu holatni yaxshilash maqsadida yangi avtomatlashgan tizimni «Smart Bunker» qurilmasini ishlab chiqish g’oyasi paydo bo’lgan.
Smart Bunker mahsuloti:
2. Jamoangizda qanday mutaxassislar bor?
Jamoadagi mutaxassislar:
3. Aqlli urug’ sepuvchi – u boshqa turdagi urug’ sepuvchilardan nimasi bilan farq qiladi?
| № | Firma nomi | Texnika va qurilma narxi (so‘m) | Afzalliklari | Kamchiliklari |
| 1 | JOHN DEERE 1590 | 663.000.000 | -Ko’p funksiyalarga ega, -Ko’p parametrlarga ega, -Masofadan boshqarish rejimi. |
– Narxi bo’yicha, fermerlar uchun qimmat |
| 2 | AGROS | 145.000.000 | -Don sathi avtomatlashtirilgan tizimi mavjud. | – Narxi bo’yicha, fermerlar uchun qimmat, – Ekspulatatsiyaga yaroqsiz. |
| 3 | MONOSEM 8 rangs | 114.200.000 | -Don sathi avtomatlashtirilgan tizimi mavjud. | – Narxi bo’yicha, fermerlar uchun qimmat, – Ekspulatatsiyaga yaroqsiz. |
| 4 | MONOSEM 4 rangs | 110.700.000 | -Don sathi avtomatlashtirilgan tizimi mavjud. | – Narxi bo’yicha, fermerlar uchun qimmat, – Ekspulatatsiyaga yaroqsiz. |
| 5 | SMART BUNKER | 8.000.000 | -Don sathi avtomatlashtirilgan tizimi mavjud, -Ekspulatatsiya jihatidan qulay, -Elektr energiya tejamkorligi, -Tizim mukammal, ishonchli va puxta, -Narxi jihatdan arzon. |
-Masofadan boshqarilmaydi, -Ko’p funksiyaga hali ega emas. |
4. Qaysi donlarni saralash uchun ushbu ixtirodan foydalanish mumkin? Cheklovlar bormi?
Seyalkalardagi bunkeriga solib ekiladigan barcha maxsulotlar uchun bu qurilmadan foydalanish mumkin.
5. Bunday texnologiyaning samaradorligi va «umr ko’rish muddati» qancha?
O‘zbekiston Respublikasida seyalkalar soni 3.200 dan ortiq. Bu qurilma ishdan chiqsa, servis xizmatini uzimiz kursatamiz. Bu loyixa maqsadi va akselerator yordamida qishloq texnikasini avtomatik qurilmalarini rivojlantirish, yani Smart Bunker qurilmasida tuxtab qolish emas.
6. Hisob-kitoblaringiz bo’yicha, sizning aqlli ixtiroingiz narxi an’anaviy urug’ sepuvchilardan qancha farq qiladi?
Bu ishlab chiqilgan Smart Bunker qurilmasi 8 mln so’mni tashkil qiladi. O’zbekistonda eski seyalkalarda bu qurilma hali ishlab chiqilmagan. Yangi ishlab chiqarilgan texnikalarda bu funksiya mavjud, lekin texnikani sotib olish qimmatga aylanadi.
7. Loyihani amalga oshirish uchun sizga qancha boshlang’ich kapital kerak?
20.650.000 so‘m
8. Ilg‘or texnologiyalar markazi laboratoriyalaridan qanday foydalanishni rejalashtiryapsiz?
“TIQXMMI” Milliy tadqiqot universiteti qoshidagi «AUTONOMOUS» ilmiy-amaliy laboratoriyasida amalga oshiriladi.
Smart Bunker jamoasi ish jarayonida:
Biz C.A.T. Science Accelerator 4.0 jamoalari uchun biznes-rejalashtirish boʼyicha seminarlar ruknini boshlayapmiz.
Birinchi sessiya kelayotgan chorshanba, 6 iyul kuni soat 17:00 da oʼtkaziladi.
Spiker:
Аleksandr Yudakov — OʼzR Innovatsion rivojlanish vazirligi huzuridagi Ilgʼor texnologiyalar markazining texnologiyalarni tijoratlashtirish va transfer qilish boʼlimi boshligʼi.
Аleksandr qator seminarlarni oʼtkazadi, ularda Innovatsion rivojlanish vazirligining investitsiyalariga ega boʼlish maqsadida oʼtkaziladigan tanlovda qatnashish uchun biznes-rejada nimalar boʼlishi kerakligi va biznes-reja qanday standartlarga muvofiq boʼlishi lozimligi haqida batafsil soʼzlab beradi.
Vebinar Zoom platformasida o’tkaziladi, havola boshlanishidan bir soat oldin guruhga yuboriladi
Vebinar: Biznes-rejalashtirish
Chorshanba, 17:00
Seminar: Branding Shmrending
Shanba, 11:00
2-iyul kuni Ilg’or texnologiyalar markazida navbatdagi amaliy seminarimiz bo’lib o’tadi.
Mavzu: Branding Shmrending
Biz brending nima ekanligini, nima uchun muhimligini, brendni boshqarish jarayoni nimani o’z ichiga olishi va yana ko’p narsalarni muhokama qilamiz. To’g’ri brending ko’nikmalari va strategiyalari bilan mahsulotingiz/xizmatingiz noyob bo’lib, daromadning oshishiga olib kelishi mumkin.
Spiker: Azamat Shamuzafarov
– Click kompaniyasining UX (foydalanuvchi tajribasi boʻyicha) mutaxassisi;
– dizayner, art direktor;
– «Azamat Today» telegram kanalining muallifi;
– IT bo’yicha mutaxassis;
– Gazeta.uz muxbiri.
Sana: 2-iyul, shanba
Vaqt: 11:00
Oʻtkazilish joyi: Ilgʻor texnologiyalar markazi, Toshkent sh.
Toshkent shahri va Toshkent viloyatining barcha jamoalari ishtirok etishi shart!
Hududlardagi jamoalar uchun Zoom’da onlayn translyatsiya mavjud bo’ladi.
Shu chorshanba, 29-iyun kuni HUDUDLARDAGI jamoalar uchun akseleratorning mentorlari bilan individual onlayn uchrashuvlar tashkil qilamiz, Toshkent shahridagi jamoalar uchun esa – boshqa kuni.
Mentorlik sessiyalari 15:40 dan 18:20 gacha o’tkaziladi. Har bir jamoa o‘zi uchun qulay vaqtni tanlashi va uchrashuvga yozilishi kerak.
Mentorlik uchrashuviga jamoalar quyidagi masalalar bo’yicha oldindan tayyorgarlik ko’rishlari kerak:
– akselerator koordinatorlariga savollar;
– qanday qiyinchiliklarga duch kelyapsiz;
– loyiha qanday MVPga ega / uni amalga oshirish rejalashtirilganmi;
– Jamoaning iyul oyi uchun rejalari.
Onlayn uchrashuv Zoom da bo’lib o’tadi, havola boshlanishidan bir soat oldin guruhga yuboriladi.
O‘zbekiston Respublikasi Innovatsion rivojlanish vazirligi «TUMOR ON TARGET» MChJ faoliyati haqidagi video bilan bo‘lishdi.
Startap loyihasi asoschilari C.A.T. Science Accelerator 2.0. bitiruvchilari va Innovatsion rivojlanish vazirligining 907,4 million so‘m miqdoridagi granti sohiblaridir.
Korxona Namangan viloyatida faoliyat yuritadi va saraton kasalligiga chalingan bemorlarda HER2 onkomarkeri statusini aniqlash bo‘yicha xizmatlar ko‘rsatadi.
Hozirgi kunda korxonada 4 ta yangi ish oʼrni yaratilgan hamda oyiga 32 mln soʼmdan ortiq daromad hajmiga erishgan.
Tafsilotlar videoda:
Hududlardagi jamoalar bilan individual mentorlik sessiyalari
Chorshanba, 15:40 dan 19:00 gacha
Biz intervyular seriyasini davom ettiramiz va qayta ishlangan plastmassadan plitkalar ishlab chiqaradigan «Stile MosaiC» jamoasi bilan tanishamiz.
1. Sizning startapingiz g’oyasi qachon paydo bo’lgan va qanday mahsulotlarni ishlab chiqaryapsiz?
Ushbu g’oya jamoamiz a’zolaridan biri Kushbakov O’tkir Baxromovichda 2019 yilda paydo bo’lgan. Kushbakov O’tkir Baxromovich bank sohasida faoliyat yuritayotgan davrda turli xil soha va biznes vakillarining bankda mijoz sifatida aloqalari bo’lganligi uchun, ular qilayotgan ishlardan ta’sirlanib ushbu go’ya paydo bo’lgan. Hozirgi kunda “Stile MosaiC” brendi ostida plastik kafellar ishlab chiqarishni yo’lga qo’yganmiz.
2. Jamoangizda qanday mutaxassislar bor?
Bizning jamoa loyihamiz uchun zarur bo’lgan tajriba va yo’nalishga ega bo’lgan 3 mutaxassisdan iborat:
– Kushbakov O’tkir Baxromovich — iqtisodchi;
– Kushbakov Kamoliddin Baxromovich — sotsiolog, IT bo’yicha mutaxassis, san’atkor;
– Norqulov Zafarbek Nasriddin o’g’li — ximik, xirurg.
3. Ushbu sohada ishlashni boshlashingizga nima turtki bo’ldi?
Birinchidan, bajarish va amalda qo’llash mumkin bo’lgan g’oyani joriy etishda o’zimning tajribamni sinash. Ikkinchidan, tajribamni biznes sohasida qo’llash va natijasini amaliy ifoda etishdir.
4. Plitkalaringizning analoglar bilan solishtirganda samaradorligi qanday? Ular qanchalik mustahkam?
Plitkamizning analoglarining aksari sinuvchchan va qimmat. Bizning plitkalarimiz sinmaydi va arzon.
5. Plitkalarni qayta ishlash mumkinmi?
Mumkin, ularni boshqacha shaklda kerak bo’lsa, boshqa ranglarda ishlab chiqarish mumkin.
6. Bunday plitkalarni qo’llash sohalari haqida so’zlab bering. Ular ichki yoki tashqi makonlarni bezatish uchun ham mo’ljallanganmi?
Plitkalar asosan zal, oshxona, basseyn va yuvinish xonalarida qo’llaniladi. Ichki makonlarni bezatish uchun mo’ljallangan.
7. Sizning hisob-kitoblaringiz bo’yicha, mahsulotingiz tannarxi oddiy plitkalardan qancha farq qiladi?
Bizning hisob-kitoblarimizga bo’yicha, mahsulot tannarxi 20-25 ming so’m, boshqa oddiy plitkalardan 20-25 ming farq qiladi.
8. Mahsulotlarni eksport qilish rejalaringiz bormi?
Albatta, oldin ichki bozorda keyin esa tashqi bozorga eksport qilish rejamizda bor.
9. Ilg‘or texnologiyalar markazi laboratoriyalaridan qanday foydalanishni rejalashtiryapsiz?
Mahsulotning yuqori effekti jihatidan va uning kamchiliklarini aniqlash maqsadida Ilg’or texnologiyalar markazi laboratoriyalaridan foydalanishni rejalashtirganmiz.
Ijtimoiy tarmoqlarda «Stile MosaiC» loyihasining rivojlanishini kuzatib boring:
Telegram: https://t.me/stile_mosaic_channel
Facebook: https://www.facebook.com/profile.php?id=100080679984396
25-iyun kuni Ilg’or texnologiyalar markazida navbatdagi amaliy seminarimiz bo’lib o’tadi.
Mavzu: “Yashil” sohada innovatsiyalarni qo’llagan startaplar
Atrof-muhitga zararni minimallashtirishga qaratilgan biznes loyihalarni ishlab chiqishdagi dolzarb masalalarni muhokama qilamiz. Seminarning maqsadi, jamoalarni «yashil» innovatsiyalar va ijtimoiy mas’uliyatli biznes haqida o’ylashga yo’naltirishdir, agar ularning loyihalari boshqa sohalarda bo’lsa ham.
Spiker: Alisher Yusupov – Brand.uz IT-kompaniyasi direktori, Startup Mix loyihasi tashabbuskori, O’zbekiston IT bozorida shaxsiy va mijoz loyihalarini ishga tushirish bo’yicha 21 yillik tajribaga ega
Sana: 25-iyun, shanba
Vaqt: 11:00
Oʻtkazilish joyi: Ilgʻor texnologiyalar markazi, Toshkent sh.
Toshkent shahri va Toshkent viloyatining barcha jamoalari ishtirok etishi shart!
Hududlardagi jamoalar uchun Zoom’da onlayn translyatsiya mavjud bo’ladi.
